"Neftçi" Azərbaycan futbolunda fasiləsiz baş məşqçi dəyişikliyi üzrə rekord sahibi olmağa çalışır.

Təcrübəli mütəxəssis, vaxtilə Azərbaycanda – "Qəbələ" klubunda uğurlara imza atmış Roman Qriqorçukun rəhbərliyi altında uğursuz nəticələrə imza atan "ağ-qaralar" ukraynalını da göndərməyə hazırlaşır. Yeni mövsümdə geridə qalan 4 tur ərzində qələbəyə həsrət qalan paytaxt klubu çarəni baş məşqçi dəyişikliyində görür.

Artıq Qriqorçuku əvəzləyəcək həmkarı da məlumdur. Belə ki, "Neftçi" sabiq baş məşqçisi Samir Abasovu yenidən komandanın "sükanı arxası"na gətirməyə hazırlaşır.

Pressing.az-a daxil olan məlumata görə, artıq tərəflər arasında danışıqlar başlayıb.

Hazırda "Sumqayıt"ı çalışdıran 46 yaşlı Abasovun "Gənclik şəhəri" təmsilçisi ilə 2025-ci ilin 30 iyununadək müqaviləsi var. Lakin onun tezliklə "Neftçi"yə təyinat alacağı gözlənilir.

Pressing.az