Kamil Məmmədovun dostu "Neftçi"də Sponsorluq üzrə koordinator təyin edilib

Cari mövsüm "Neftçi"də növbəti təyinat gerçəkləşib.

Pressing.az-ın əldə etdiyi məlumata görə, həvəskər futbolçu Emil Məmmədov "ağ-qaralar"da Sponsorluq üzrə koordinator vəzifəsinə gətirilib.

Əlavə məlumat üçün qeyd edək ki, minifutbol millimizin üzvü olan Emil Məmmədov "Neftçi"nin "gözəgörünməz" rəhbərlərindən biri, Müşahidə Şurasının idman üzrə müşaviri Kamil Məmmədov ilə yaxın dostdur.

Onlar Kamil Məmmədovun kapitanı olduğu "Birbaşa Bakı" komandasında uzun müddətdir top qovurlar.

Elsevər Muradzadə