Ceyhun Sultanov "Araz-Naxçıvan"ın idman direktoru oldu

"Araz-Naxçıvan" klubunda yeni təyinat reallaşıb.

Pressing.az-a daxil olan informasiyaya görə, Naxçıvan təmsilçisinin idman direktoru postu Ceyhun Sultanova həvalə edilib.

Qeyd edək ki, təcrübəli funksioner bundan əvvəl “Bakı”da seleksiyaçı məşqçi, “Sumqayıt”da baş menecer vəzifələrini yerinə yetirib. Sultanov "Keşlə" (indiki adıyla "Şamaxı") və “Neftçi”də isə idman direktoru postunu icra edib.

Təyinatın yaxın günlərdə rəsmən açıqlanacağı gözlənilir.

Elsevər Muradzadə