Mövsümün ikinci yarısına hazırlığını Antalyada (Türkiyə) davam etdirən "Neftçi" klubu bu gün ilk yoxlama oyununa çıxacaq.

Pressing.az xəbər verir ki, "ağ-qaralar" Türkiyənin "Erzurumspor" klubu ilə qarşılaşacaq. 1-ci liqa təmsilçisi ilə oyun Bakı vaxtı ilə saat 18:00-da başlayacaq. Bu, yeni baş məşqçi Miodraq Bojoviçin "Neftçi"də ilk sınağı olacaq.

Qeyd edək ki, "Neftçi"nin yanvarın 13-də daha bir yoxlama oyunu nəzərdə tutulub. Ancaq hələlik rəqibin adı açıqlanmayıb. Komanda yanvarın 14-dək Antalyada toplanış keçəcək.