"Turan Tovuz" klubu bu gün Türkiyə toplanışı çərçivəsində ilk yoxlama oyununa çıxacaq.

Pressing.az xəbər verir ki, Kurban Berdıyevin komandası Türkiyə 1-ci liqa təmsilçisi "Çorum"la qarşılaşacaq. Görüş Bakı vaxtı ilə saat 18:00-da start götürəcək.

Qeyd edək ki, "Turan Tovuz"un Bolu toplanışı 6 avqustadək davam edəcək. Komanda Türkiyədə daha 3 yoxlama görüşündə qüvvəsini sınayacaq. Hələlik bölgə təmsilçisi yalnız 1 rəqibinin adını açıqlayıb. "Turan Tovuz" iyulun 29-da İran Pro Liqasının son çempionu "Traktor"la qarşılaşacaq.