Rahil Məmmədov üçün 75 dəqiqə

Millimizin müdafiəçisi Rahil Məmmədovun formasını geyindiyi LKS (Polşa) Türkiyədə təlim-məşq toplanışı çərçivəsində sonuncu yoxlama oyunu keçirib.

Pressing.az xəbər verir ki, komanda Şimali Makedoniya təmsilçisi "Struqa" ilə qarşılaşıb. Matç LKS-nin 4:3 hesablı qələbəsi ilə başa çatıb.

R.Məmmədov meydana start heyətdə çıxıb və 75-ci dəqiqədə hesab 3:3 olarkən əvəzlənib.

Qeyd edək ki, Rahil yanvarda "Qarabağ"dan Polşa klubuna keçib. Məmmədovla 1.5 illik müqavilə imzalanıb.