Azərbaycan yığmasının və "Qarabağ"ın müdafiəçisi Rahil Məmmədovun Polşanın LKS klubuna keçidi rəsmiləşib.

Pressing.az xəbər verir ki, bu barədə Lodz təmsilçisinin mətbuat xidməti məlumat yayıb. Məmmədovla 2025-ci ilin yayına kimi nəzərdə tutulan müqavilə imzalanıb.

Qeyd edək ki, Rahil Məmmədov 2018-ci ilin yayından "Qarabağ"da çıxış edirdi. 28 yaşlı mərkəz müdafiəçisi bu mövsüm Ağdam təmsilçisinin heyətində meydana çıxdığı 10 rəsmi matçda 1 qol ötürməsi ilə yadda qalıb.

Nəzərinizə çatdıraq ki, Məmmədovun Polşa klubuna keçidi ilə bağlı məlumatı eksklüziv olaraq saytımız yaymışdı.