Rahil Məmmədov Polşa klubunda debüt etdi
Dünya Futbolu
21-07-2024, 11:04
Milli komandamızın futbolçusu Rahil Məmmədovun Polşanın Yüksək Liqa (Ekstraklasa) təmsilçisi "Radomiak"da debütü uğurlu alınıb.
Pressing.az xəbər verir ki, yığma üzvünün yeni müqavilə bağladığı Radom klubu 2024/2025-ci illər mövsümünə qələbə ilə başlayıb.
29 yaşlı futbolçunun komandası səfərdə QKS-i (Katoviçe) məğlub edib - 2:1.
Məmmədov meydana 90+1-ci dəqiqədə daxil olub və 4 dəqiqə oynayıb.
Xatırladaq ki, Rahil ötən mövsümün ikinci yarısını yekunda aşağı liqaya düşmüş LKS-də keçirib.