Fransanın tanınmış klubu Elvin Cəfərquliyev üçün hərəkətə keçdi

Fransanın məşhur klublarından olan "Sent-Etyen" "Qarabağ"ın müdafiəçisi Elvin Cəfərquliyevlə maraqlanır.

Pressing.az xəbər verir ki, bu barədə sözügedən ölkənin “butfootballclub.fr” nəşri məlumat yayıb.

İnformasiyaya görə, Cəfərquliyevin bu qış transfer edilməsi üçün "Qarabağ"la danışıqlar gedir.

Fransalılar yazır ki, 25 yaşlı müdafiəçi bir neçə ildir ki, "Qarabağ"ın uğurlarında böyük rol oynayır, xüsusən Avropa turnirlərindəki çıxışları ilə diqqət çəkir. Xəbərdə həmçinin onun 2025-ci ildə Azərbaycanın ən yaxşı futbolçusu seçildiyi və bu mövsüm sabit çıxışı ilə seçildiyi qeyd olunub.

"Sent Etyen"in son illərdə bir neçə gənc futbolçu aldığı və Cəfərquliyevin də bu siyasətə uyğun bir seçim olduğu bildirilib.