Xəbər lenti

"Qarabağ"ın futbolçusu Abdullah Zubir klubu tərk edə bilər.

Pressing.az xəbər verir ki, 31 yaşlı yarımmüdafiəçi ilə Fransa və Səudiyyə Ərəbistanı klubları maraqlanır. Bu barədə "Lequipe" nəşri məlumat yayıb.

Fransa təmsilçilərinin adları açıqlanmasa da, Səudiyyə Ərəbistanından "Əl Riyad"ı Zubirə rəsmi təklif göndərdiyi bildirilib.

Zubir 2018-ci ildən "Qarabağ"da forma geyinir. O, bu mövsüm 20 oyunda 4 qol, 6 məhsuldar ötürmə ilə yadda qalıb. Zubirin sözləşməsi 2024-cü ilin yayına qədərdir.