Səudiyyə Ərəbistanı klubundan Osimen üçün 40 milyon avroluq təklif!

Səudiyyə Ərəbistanının "Əl-Hilal" klubu "Napoli"nin ulduz hücumçusu Viktor Osimenə göz dikib.

Pressing.az "Goal.com"a istinadla xəbər verir ki, Pro Liqa təmsilçisi 26 yaşlı nigeriyalı forvard üçün qarşı tərəfə 40 milyon avro təklif edib.

Hazırda icarə əsasında Türkiyənin "Qalatasaray" klubunda çıxış eədn Osimenin bu təklifə isti yanaşdığı bildirilir.

Qeyd edək ki, futbolçunun QS ilə icarə müqaviləsinin müddəti bu ay başa çatır.