Xəbər lenti

"Qarabağ" klubu təcrübəli vingeri Abdullah Zubirin mövsümün sonunda başa çatacaq müqaviləsini uzatmağa qərar verib.

Pressing.az-ın əldə etdiyi məlumata əsasən, Mərakeş əsilli fransalı futbolçuya bu barədə məlumat verilib. Başqa klublardan təklifləri olan 32 yaşlı vingerin ilk seçimi Ağdam təmsilçisində qalmaq olacaq. Bu səbəbdən tərəflər arasında danışıqlar uğurlu alınacaq.

"Qarabağ" Zubirə 2 illik yeni sözləşmə təklif edib və yaxın həftələrdə anlaşmanın rəsmiləşəcəyi gözlənilir.

Qeyd edək ki, fransalı 2018-ci ildən "köhlən atlar"ın uğurları üçün çalışır.

Daşqın Əziz