2024/2025-ci illər mövsümünün transfer çalışmalarını davam etdirən “Səbail” klubu daha bir futbolçunu heyətinə cəlb edib.

Pressing.az xəbər verir ki, “dənizçilər” son klubu Şimali Makedoniya təmsilçisi “Qostivar” olan Amir Bilali ilə 1 illik müqavilə imzalayıb. 30 yaşlı albaniyalı mərkəz müdafiəçisi komandada 44 nömrəli formada çıxış edəcək.

Qeyd edək ki, "Səbail" bundan əvvəl Fərid Nəbiyev, Nihat Quliyev və Vüsal Məsimovu transfer edib.