"Qəbələ"dən yeni transfer - RƏSMİ
Transferlər / Azərbaycan Futbolu
9-07-2023, 18:39
Transfer çalışmalarını davam etdirən “Qəbələ” klubu heyətinə daha bir futbolçu qatıb.
Pressing.az xəbər verir ki, "qırmızı-qaralar” Rauf Hüseynlinin keçidini gerçəkləşdirib. 23 yaşlı müdafiəçi ilə 1 illik müqavilə imzalanıb. Raufun son klubu “Şamaxı” olub. Karyerasına “Qarabağ”da başlayan futbolçu “Zirə”də də forma geyinib.
Hüseynli Azərbaycan yığmalarında da çıxış edib. O, ölkəmizin U-19 və U-21 yığmalarının şərəfini qoruyub.
Qeyd edək ki, "Qəbələ" bundan əvvəl Ahmed Ayzaya, Zurab Oçiqava, Lukas Afriko, Gilad Avramov, Osama Xalaylanı transfer edib.