2023/24 mövsümü üçün transfer çalışmalarını davam etdirən “Səbail” sıralarını daha bir futbolçu ilə gücləndirib.

Pressing.az xəbər verir ki, Bakı təmsilçisi son mövsümü Fransanın “Sedan” klubunda keçirmiş hücumçu Aleksandr Ramalinqomla 1 illik müqavilə imzalayıb.

Qeyd edək ki, Madaqaskar millisinin üzvü olan Aleksandr Ramalinqom karyerası ərzində “Marinyan”, “Balajn”, “Ayaçço”, “Marinyan Cinyak”, “Bezye” (Fransa) “Virton” (Belçika) klublarının uğurları üçün çalışıb. 30 yaşlı futbolçu Madaqaskar millisində 8 qarşılaşmada da meydana çıxıb.