"Sumqayıt" klubu növbəti transferini rəsmiləşdirib.

Pressing.az xəbər verir ki, bu barədə klubun mətbuat xidməti məlumat yayıb.

"Kimyaçılar" son olaraq İsrailin "Bney Saxnin" klubunda çıxış etmiş Aleksandr Ramalinqom ilə 1+1 illik müqavilə imzalayıblar. 32 yaşlı madaqaskarlı hücumçu "Sumqayıt" FK-nın heyətində "9" nömrəli formada çıxış edəcək.

Qeyd edək ki, Aleksandr Ramalinqom ölkəmizdə 2023-2024 mövsümündə "Səbail"in də formasını geyinib. O, Madaqaskar millisinin heyətində 8 oyun keçirib.

Xatırladaq ki, "Sumqayıt" daha öncə Saşa İliç (baş məşqçi), Pedro Pinto (son klubu “Petro Luanda”, Anqola), Aleksa Yankoviç ("Radniçki", Serbiya), Rauf Rüstəmlini ("Sabah"dan icarəyə götürülüb) transfer edib.