“Sumqayıt”ın keçmiş futbolçusu Bobur Abdixolikovun yeni klubu məlum olub.

Pressing.az xəbər verir ki, 28 yaşlı hücumçu karyerasını vətəni Özbəkistanda davam etdirəcək. Millinin hücumçusu “Paxtakor”a keçib. Bu barədə klubun mətbuat xidməti məlumat yayıb. Tərəflər 1 illik müqavilə imzalayıblar.

Qeyd edək ki, Abdixolikov bu ilin fevral ayından mövsümün sonunadək “Sumqayıt”ın formasını geyinib. "Gənclik" şəhəri təmsilçisi onunla müqaviləni yeniləmək istəsə də, razılıq əldə edə bilməyib.