“Səbail” klubu 2025-ci ildə ilk transferini reallaşdırıb. Həmin futbolçu serbiyalı mərkəz müdafiəçisidir və Bakı klubuna azad agent kimi keçib.

Pressing.az xəbər verir ki, transfer barədə xəbəri klubun mətbuat xidməti məlumat yayıb.

Qeyd olunub ki, klub Marko Nikoliçi heyətə cəlb edib. 26 yaşlı serbiyalı futbolçu ilə 1,5 illik müqavilə imzalanıb.

Mərkəz müdafiəçisi olan Nikoliç yaydan bəri klubsuz idi.

O, son olaraq Qazaxıstan Premyer Liqası komandası “Turan”da oynayıb.

Nikoliç ötən mövsüm "Turan"ın heyətində bütün turnirlərdə 28 oyunda meydana çıxıb.