Rövlan Muradov: "Ümid edirəm ki, gələcəkdə də bu arenada fanatlarımızı sevindirə biləcəyik" - AÇIQLAMA
Sumqayıt” klubunun yarımmüdafiəçisi Rövlan Murad Azərbaycan Premyer Liqasının XXI turunda “Neftçi”ni 2:1 hesabı ilə məğlub etdikləri oyundan sonra Pressing.az-ın əməkdaşının da iştirak etdiyi brifinqdə jurnalistlərin suallarını cavablandırıb.
- “Neftçi” üzərində qələbəni necə şərh edərdiniz?
- Yenidənqurmadan sonra stadionda ilk oyun idi. Ona görə də məsuliyyətimizi dərk edirdik. Bilirdik ki, bizi çətin oyun gözləyir. Azərbaycanın flaqmanına qarşı oynuyurduq. Çox gözəl qələbə qazandıq. Buna görə çox məmnunuq. Azarkeşlərimizə də təşəkkür edirik ki, stadionda möhtəşəm atmosfer yaratdılar.
- Oyundan əvvəl anşlaq yaşanacağı bilinirdi. Bu məqam psixoloji cəhətdən sizdə gərginlik yaratmamışdı?
- Bəli, oyunda əvvəl də bilirdik ki, stadion dolu olacaq. Oyunöncəsi məşq zamanı öz aramızda söhbət edəndə bir-birimizə deyirdik ki, azarkeşləri küsdürmək olmaz. Mütləq qələbə qazanmalıyıq. Şükürlər olsun ki, istəyimizə çatdıq.
- Oyundan əvvəl klub rəhbərliyinin qələbə üçün sizə yaxşı mükafat vəd etdiyi deyilir...
- Xeyr, oyundan əvvəl mükafat barədə bir söz deyilməmişdi. Oyundan sonra icra başçısı, klubumuzun prezidenti Riad müəllim bizi təbrik etdi. Əsas olan azarkeşlərimizi sevindirməyimizdir. Bundan sonra da bizi burda daha yaxşı oyunlar gözləyir. Ümid edirəm ki, gələcəkdə də bu arenada fanatlarımızı sevindirə biləcəyik.
- Necə düşünürsünüz, növbəti matçlarda da stadionda anlşaq yaşanacaq, yoxsa arenada daha az tamaşaçı görəcəyik?
- Bu cür qalibiyyətdən sonra düşünürəm ki, növbəti ev matçımızda da anşlaq yaşanacaq. Biz azarkeşlərimizi nə qədər çox sevindirsək, onların da dəstəyi bir o qədər güclü olar.
- Çempionatdan fərqli olaraq kubok matçında “Neftçi”yə məğlub olmuşdunuz. Həmin yenilginin çempionatdakı qələbədə nə dərəcədə rolu oldu?
- Kubok oyunun ilk hissəsində üç qol buraxdıq. Demək olar ki, həmin qolların hamısını özümüz rəqib hədiyyə elədik. Amma ruhdan düşmədik. Sonadək mübarizə aparıb iki qol vurduq. Düşünürəm ki, daha çox qol vura bilərdik. Çempionatdakı qələbəmiz motivasiyamızı daha da artırıb. Kubokun cavab görüşündə də qələbə qazana bilərik. Həmin görüşdə mərhələ adlamaq üçün əlimizdən gələni edəcəyik.
- Millinin mart ayındakı toplanışı üçün dəvət gözləyirsiniz?
- Mən hər bir oyuna maksimum hazırlaşıram. Ümid edirəm ki, inamlı çıxışıma davam etsəm qarşıdakı toplanışa dəvət ala bilərəm. Mən hər zaman millidə çıxış etməyə canla-başla hazıram.
Daşqın Əziz
- “Neftçi” üzərində qələbəni necə şərh edərdiniz?
- Yenidənqurmadan sonra stadionda ilk oyun idi. Ona görə də məsuliyyətimizi dərk edirdik. Bilirdik ki, bizi çətin oyun gözləyir. Azərbaycanın flaqmanına qarşı oynuyurduq. Çox gözəl qələbə qazandıq. Buna görə çox məmnunuq. Azarkeşlərimizə də təşəkkür edirik ki, stadionda möhtəşəm atmosfer yaratdılar.
- Oyundan əvvəl anşlaq yaşanacağı bilinirdi. Bu məqam psixoloji cəhətdən sizdə gərginlik yaratmamışdı?
- Bəli, oyunda əvvəl də bilirdik ki, stadion dolu olacaq. Oyunöncəsi məşq zamanı öz aramızda söhbət edəndə bir-birimizə deyirdik ki, azarkeşləri küsdürmək olmaz. Mütləq qələbə qazanmalıyıq. Şükürlər olsun ki, istəyimizə çatdıq.
- Oyundan əvvəl klub rəhbərliyinin qələbə üçün sizə yaxşı mükafat vəd etdiyi deyilir...
- Xeyr, oyundan əvvəl mükafat barədə bir söz deyilməmişdi. Oyundan sonra icra başçısı, klubumuzun prezidenti Riad müəllim bizi təbrik etdi. Əsas olan azarkeşlərimizi sevindirməyimizdir. Bundan sonra da bizi burda daha yaxşı oyunlar gözləyir. Ümid edirəm ki, gələcəkdə də bu arenada fanatlarımızı sevindirə biləcəyik.
- Necə düşünürsünüz, növbəti matçlarda da stadionda anlşaq yaşanacaq, yoxsa arenada daha az tamaşaçı görəcəyik?
- Bu cür qalibiyyətdən sonra düşünürəm ki, növbəti ev matçımızda da anşlaq yaşanacaq. Biz azarkeşlərimizi nə qədər çox sevindirsək, onların da dəstəyi bir o qədər güclü olar.
- Çempionatdan fərqli olaraq kubok matçında “Neftçi”yə məğlub olmuşdunuz. Həmin yenilginin çempionatdakı qələbədə nə dərəcədə rolu oldu?
- Kubok oyunun ilk hissəsində üç qol buraxdıq. Demək olar ki, həmin qolların hamısını özümüz rəqib hədiyyə elədik. Amma ruhdan düşmədik. Sonadək mübarizə aparıb iki qol vurduq. Düşünürəm ki, daha çox qol vura bilərdik. Çempionatdakı qələbəmiz motivasiyamızı daha da artırıb. Kubokun cavab görüşündə də qələbə qazana bilərik. Həmin görüşdə mərhələ adlamaq üçün əlimizdən gələni edəcəyik.
- Millinin mart ayındakı toplanışı üçün dəvət gözləyirsiniz?
- Mən hər bir oyuna maksimum hazırlaşıram. Ümid edirəm ki, inamlı çıxışıma davam etsəm qarşıdakı toplanışa dəvət ala bilərəm. Mən hər zaman millidə çıxış etməyə canla-başla hazıram.
Daşqın Əziz
