Ötən gün "Qarabağ" UEFA Avropa Liqasının qrup mərhələsinin son oyununda İsveçin "Hekken" klubu üzərində qələbə qazanıb (2:1) və pley-offa vəsiqə qazanıb.

Oyundan sonra qonaqların kapitanı Samuel Qustaffson Pressing.az-ın əməkdaşının da iştirak etdiyi brifinqdə jurnalistlərin suallarını cavablandırıb.

- Oyun barədə fikirləriniz necədir?

- Avropa liqasında ilk dəfə çıxış etməyimizə baxmayaraq bu turnirdən çox şey öyrəndik. Düzdü, bugünkü nəticədən məyusuq, qrupu xalsız başa vurduq. Amma hər oyuna dərdi olaraq yanaşsaq, hər matçın yaddaqalan hekayələri oldu. Düşünürəm ki, biz kollektiv olaraq olduqca yaxşıyıq. Amma fərdi səhvlər edirik, belə səhvlər "Qarabağ"la matçlarda yolverilməzdir. Rəqib sizi istənilən an cəzalandıra bilər.

- İlk qolu erkən buraxmağınız komandada ruh düşkünlüyü yaratdı?

- Əlbəttə, buraxdığımız ilk qol fərdi səhvdən baş verdi. 1:0 hesabı ilə, üstəlik belə səhvdən sonra geri düşdükdən sonra şübhəsiz özünə gəlmək çətin olur. Bizim daha yaxşı performans göstərməyə ehtiyacımız var.

- "Qarabağ"ın növbəti mərhələdə şanslarını necə dəyərləndirirsiniz?

- İlk olaraq püşkatmanın nəticələrini görməliyik. Düşünürəm ki, "Qarabağ" yüksək keyfiyyətlərə malik, balanslaşdırılmış komandadır. Əsas olaraq da fərdi baxımdan üstün oynayırlar.

- Atmosfer barədə fikirləriniz. Bu Stadiondan xoş xatirələrlə ayrılırsınız?

- Bir ay əvvəl İsveç millisinin heyətində bu stadionda olmuşdum. Bugünkü atmosfer möhtəşəm idi. Komandanın növbəti mərhələyə çıxması üçün fanatlar da öz bacarıqlarını göstərdi. "Qarabağ"ı Təbrik etmək istəyirəm.

Daşqın Əziz