“Yaxşı ki, erkən qollar vurduq” - Anatoli Nuriyev
“Çətin oyun alındı. Yaxşı ki, erkən qollar vurduq. Bu, işimizə çox yaradı”.
Bu sözləri “Sabah”ın yarımmüdafiəçisi Anatoli Nuriyev Azərbaycan Premyer Liqasının XV turunda səfərdə “Kəpəz”i 2:0 hesabı ilə məğlub etdikləri oyundan sonra Pressing.az-ın da əməkdaşının iştirak etdiyi brifinqdə jurnalistlərə açıqlamasında deyib.
O, rəqib haqda müsbət fikirlər səsləndirib: “Ardıcıl 2 qol vurduqdan sonra qalan dəqiqələrdə oyun bizim üçün yaxşı keçdi. “Kəpəz” pis komanda deyil. Hazırda turnir cədvəlində aşağı pillədə qərarlaşsalar da, heç də pis futbol sərgiləmirlər. Odur ki, nəticədən məmnunuq”.
“Demək olar ki, “Sabah”a artıq özünə gəlir?” sualını Nuriyev belə cavablandırıb: “Ümid edirəm ki, bu qələbənin bizə çox faydası olacaq. Daha da inkişaf etməli, turnir cədvəlində mövqeyimizi yaxşılaşdırmalıyıq. Yüksək yerlər uğrunda mübarizə aparırıq. Ona görə də üst pillələrə can atırıq”.
27 yaşlı futbolçu ikinci dövrənin sonuna qədər maksimum xal qazanmaq istədiklərini bildirib: “Qış fasiləsinə qədər çempionatda 3 oyunumuz qalıb. Hər 3 görüşdə qələbə qazanmalıyıq. Düzdür, bu, heç də asan olmayacaq. Çünki çempionatda hazırda heç bir oyun asan keçmir. Amma yenə də əlimizdən gələni edəcəyik ki, xal itkisinə yol verməyək. Eləcə də “Kəpəz”lə bizi kubok oyunu gözləyir. O matç da çətin olacaq. Lakin inanıram ki, kubokda 1/8 finalı uğurla adlayacağıq”.
“Sabah”ın üzvü son zamanlar əsas heyətdən kənarda qalmasına da toxunub: “Bu, baş məşqçinin qərarıdır. Mən də bu qərara hörmətlə yanaşmalıyam. Son zamanlar əsas heyətdə daim yer almasam da, məşqlərimi edirəm, tam gücümlə çalışıram. “Kəpəz”lə görüşdə şans qazandım və qol vurdum. Ümid edirəm ki, bu, yenidən əsas heyət üzvünə çevrilməyimdə rol oynayacaq”.
İlk “11-lik”də daim yer almasa da, A.Nuriyev klubunu dəyişmək barədə düşünmür: “Mənim klubla hələ ilyarımlıq müqaviləm var. Ona görə də klubumu dəyişmək barədə, yaxud icarəyə verilmək haqda düşünmürəm. Dediyim kimi, mən üzərimə düşəni edirəm, əlimdən gələni edirəm ki, meydanda daha çox vaxt keçirim”.
Sonda o, sabiq klubu “Sumqayıt”a qayıdacağı barədə yayılan xəbərləri təkzib edib: “Belə bir şey yoxdur”.
Elsevər Muradzadə
Bu sözləri “Sabah”ın yarımmüdafiəçisi Anatoli Nuriyev Azərbaycan Premyer Liqasının XV turunda səfərdə “Kəpəz”i 2:0 hesabı ilə məğlub etdikləri oyundan sonra Pressing.az-ın da əməkdaşının iştirak etdiyi brifinqdə jurnalistlərə açıqlamasında deyib.
O, rəqib haqda müsbət fikirlər səsləndirib: “Ardıcıl 2 qol vurduqdan sonra qalan dəqiqələrdə oyun bizim üçün yaxşı keçdi. “Kəpəz” pis komanda deyil. Hazırda turnir cədvəlində aşağı pillədə qərarlaşsalar da, heç də pis futbol sərgiləmirlər. Odur ki, nəticədən məmnunuq”.
“Demək olar ki, “Sabah”a artıq özünə gəlir?” sualını Nuriyev belə cavablandırıb: “Ümid edirəm ki, bu qələbənin bizə çox faydası olacaq. Daha da inkişaf etməli, turnir cədvəlində mövqeyimizi yaxşılaşdırmalıyıq. Yüksək yerlər uğrunda mübarizə aparırıq. Ona görə də üst pillələrə can atırıq”.
27 yaşlı futbolçu ikinci dövrənin sonuna qədər maksimum xal qazanmaq istədiklərini bildirib: “Qış fasiləsinə qədər çempionatda 3 oyunumuz qalıb. Hər 3 görüşdə qələbə qazanmalıyıq. Düzdür, bu, heç də asan olmayacaq. Çünki çempionatda hazırda heç bir oyun asan keçmir. Amma yenə də əlimizdən gələni edəcəyik ki, xal itkisinə yol verməyək. Eləcə də “Kəpəz”lə bizi kubok oyunu gözləyir. O matç da çətin olacaq. Lakin inanıram ki, kubokda 1/8 finalı uğurla adlayacağıq”.
“Sabah”ın üzvü son zamanlar əsas heyətdən kənarda qalmasına da toxunub: “Bu, baş məşqçinin qərarıdır. Mən də bu qərara hörmətlə yanaşmalıyam. Son zamanlar əsas heyətdə daim yer almasam da, məşqlərimi edirəm, tam gücümlə çalışıram. “Kəpəz”lə görüşdə şans qazandım və qol vurdum. Ümid edirəm ki, bu, yenidən əsas heyət üzvünə çevrilməyimdə rol oynayacaq”.
İlk “11-lik”də daim yer almasa da, A.Nuriyev klubunu dəyişmək barədə düşünmür: “Mənim klubla hələ ilyarımlıq müqaviləm var. Ona görə də klubumu dəyişmək barədə, yaxud icarəyə verilmək haqda düşünmürəm. Dediyim kimi, mən üzərimə düşəni edirəm, əlimdən gələni edirəm ki, meydanda daha çox vaxt keçirim”.
Sonda o, sabiq klubu “Sumqayıt”a qayıdacağı barədə yayılan xəbərləri təkzib edib: “Belə bir şey yoxdur”.
Elsevər Muradzadə
