Yusif Nəbiyev: "Əlimizdən heç nə gəlmir. Bir şey deyən kimi..." – MÜSAHİBƏ
"Həm bizim, həm də "Zirə" üçün ağır keçdi. Son dəqiqələrə yaxın qol buraxıb, qələbəni əldən verdik".
Bu sözləri jurnalistlərə açıqlamasında "Kəpəz"in kapitanı Yusif Nəbiyev deyib. 25 yaşlı müdafiəçi Azərbaycan Premyer Liqasının 26-cı turu çərçivəsində evdə "Zirə" ilə heç-heçə etdikləri oyundan (1:1) sonra Pressing.az-ın əməkdaşının da iştirak etdiyi brifinqdə mətbuat nümayəndələrinin suallarını cavablandırıb.
- "Zirə" ilə görüşlərdə son dəqiqələrdə qol buraxırsınız. Həm Mərdəkanda keçirilən matçda, həm Zirədə keçirilmiş görüşdə də son dəqiqələrdə qol buraxaraq qələbəni əldən verdiniz. Bu, nə ilə bağlıdır?
- Təkcə "Zirə" ilə oyunlarda deyil, çox oyunlarda son dəqiqələrdə qollar buraxmışıq, xallar əlimizdən çıxıb. Həmin səhvləri etməsəydik, bu gün vəziyyətimiz daha yaxşı olardı. Bu da futbolu gözəlləşdirir, səhvsiz mümkün deyil. İnsan olan yerdə, səhv qaçılmazdır. Səhv etdik, cəzasını çəkirik.
- Qapınıza təyin edilən penalti haqda fikrin necədir?
- Baxdım, orada penaldan söhbət gedə bilməz. Bundan qabaqkı turda, "Sabah"la oyunda da penalti yox idi. Çünki top ayaqdan ələ dəymişdi. VAR-da oturanlar baxırlar. Bizim əlimizdən bir şey gəlmir. Çox söz deyəndə, sarı vərəqə verirlər. Ona görə də, biz danışa bilmirik. Hər halda, baxdığım qədərilə yox idi.
- Meydanın ot örtüyü oyununuza nə dərəcədə təsir edir?
- Stadionun vəziyyəti göz önündədir. Şəraitimiz bu gün üçün belədir. Biz heç burada məşq etmirik. Rəqiblər bəlkə fikirləşir ki, biz burada davamlı məşq edirik. Xeyr. Oyundan bir gün əvvəl məşqə çıxırıq, sonra oyun oynayırıq. Onlara necədirsə, bizim üçün də eynidir.
- Mövsümün sonunda "Kəpəz"lə müqavilən bitir. Mətbuatda "Sumqayıt"a keçəcəyinlə bağlı xəbərlər yayılıb. Qərar vermisən?
- Bu gün üçün fikrimdə transferlə bağlı heç nə yoxdur. Çünki fikrimi "Kəpəz"ə vermişəm. Müqaviləm bitdikdən sonra necə olacağını görəcəyik.
- Canni de Byazi də oyunu stadiondan izləyənlər arasındaydı. Milli komandadan dəvət gözləyirsən?
- Mövsüm başlayandan oynayıram, çalışıram ki, daha yaxşı olum. Gələcəyim üçün gündən-günə artırmaq istəyirəm. Millidən dəvət gəlsə, orada olsam sevinərəm. Olmasa da, dünyanın axırı deyil. Heç vaxt həvəsdən düşmürəm, gələcəyə baxıram. Çünki yaşım da o qədər çox deyil.
Bu sözləri jurnalistlərə açıqlamasında "Kəpəz"in kapitanı Yusif Nəbiyev deyib. 25 yaşlı müdafiəçi Azərbaycan Premyer Liqasının 26-cı turu çərçivəsində evdə "Zirə" ilə heç-heçə etdikləri oyundan (1:1) sonra Pressing.az-ın əməkdaşının da iştirak etdiyi brifinqdə mətbuat nümayəndələrinin suallarını cavablandırıb.
- "Zirə" ilə görüşlərdə son dəqiqələrdə qol buraxırsınız. Həm Mərdəkanda keçirilən matçda, həm Zirədə keçirilmiş görüşdə də son dəqiqələrdə qol buraxaraq qələbəni əldən verdiniz. Bu, nə ilə bağlıdır?
- Təkcə "Zirə" ilə oyunlarda deyil, çox oyunlarda son dəqiqələrdə qollar buraxmışıq, xallar əlimizdən çıxıb. Həmin səhvləri etməsəydik, bu gün vəziyyətimiz daha yaxşı olardı. Bu da futbolu gözəlləşdirir, səhvsiz mümkün deyil. İnsan olan yerdə, səhv qaçılmazdır. Səhv etdik, cəzasını çəkirik.
- Qapınıza təyin edilən penalti haqda fikrin necədir?
- Baxdım, orada penaldan söhbət gedə bilməz. Bundan qabaqkı turda, "Sabah"la oyunda da penalti yox idi. Çünki top ayaqdan ələ dəymişdi. VAR-da oturanlar baxırlar. Bizim əlimizdən bir şey gəlmir. Çox söz deyəndə, sarı vərəqə verirlər. Ona görə də, biz danışa bilmirik. Hər halda, baxdığım qədərilə yox idi.
- Meydanın ot örtüyü oyununuza nə dərəcədə təsir edir?
- Stadionun vəziyyəti göz önündədir. Şəraitimiz bu gün üçün belədir. Biz heç burada məşq etmirik. Rəqiblər bəlkə fikirləşir ki, biz burada davamlı məşq edirik. Xeyr. Oyundan bir gün əvvəl məşqə çıxırıq, sonra oyun oynayırıq. Onlara necədirsə, bizim üçün də eynidir.
- Mövsümün sonunda "Kəpəz"lə müqavilən bitir. Mətbuatda "Sumqayıt"a keçəcəyinlə bağlı xəbərlər yayılıb. Qərar vermisən?
- Bu gün üçün fikrimdə transferlə bağlı heç nə yoxdur. Çünki fikrimi "Kəpəz"ə vermişəm. Müqaviləm bitdikdən sonra necə olacağını görəcəyik.
- Canni de Byazi də oyunu stadiondan izləyənlər arasındaydı. Milli komandadan dəvət gözləyirsən?
- Mövsüm başlayandan oynayıram, çalışıram ki, daha yaxşı olum. Gələcəyim üçün gündən-günə artırmaq istəyirəm. Millidən dəvət gəlsə, orada olsam sevinərəm. Olmasa da, dünyanın axırı deyil. Heç vaxt həvəsdən düşmürəm, gələcəyə baxıram. Çünki yaşım da o qədər çox deyil.
