Eyforiyadan çıxmamaqlıq
Yenə "Qarabağ", yenə avrokubokların (oxu: növbəti dəfə Avropa Liqası) qrup mərhələsi...
Ağdam təmsilçisi uzun illərdir Azərbaycan futbolunun Avropadakı "səlahiyyətli səfiri"dir. Ardıcıl onuncu dəfə avrokubokların qrup mərhələsinə vəsiqə qazanan "köhlən atlar" ölkənin üzünü ağ edir, amma...
Amması odur ki, Qurban Qurbanovun yetirmələri Azərbaycan çempionatında yeni mövsümə bərbad start verib. İlk turda doğma divarlar arasında "Zirə"yə uduzan (0:1) "atlılar" son matçlardakı uğursuz nəticələri ilə də diqqət çəkir. Belə ki, dördüncü turda "Kəpəz"lə 1:1 hesablı heç-heçəyə razılaşan ağdamlılar beşinci turda Azərbaycan futbol ictimaiyyətini bir daha təccübləndirdi. Belə ki, "Qarabağ" iki ildən sonra gözlənilməz şəkildə "Səbail"ə məğlub oldu - 1:2.
Bir sözlə, "Qarabağ" hazırda rəqiblərinə xal(lar) paylamaqla məşğuldur. Bu gedişat isə son ölkə çempionunun azarkeşlərini özündən çıxarır. Təsadüfi deyil ki, artıq sosial şəbəkələrdə "köhlən atlar"ın fanat ordusu komandanın qeyri-stabil çıxışını tənqid atəşinə tutur.
Görünən budur ki, "Qarabağ" növbəti nailiyyətin ab-havasından çıxa bilmir. Düzdür, mövsüm yeni başlayıb, lakin son çempion yenə də gözlənilməz nəticələr burulğanına düşərək titulu əldən verə bilər. Ya da Ağdam təmsilçisi bütün diqqətini Avropa Liqasına verərək Azərbaycan futbolu tarixində bir ilkə imza atıb, sözügedən turnirin qrupundan çıxmağı hədəfləyir. Təki olsun, amma ölkə çempionatının önəmsənilməməsi sonda "Qarabağ"ı "Əli aşından da, Vəli aşından da edə bilər".
Sonda bir müsbət məqamı da qeyd etmək yerinə düşər ki, Azərbaycan çempionatında bu mövsüm olduqca maraqlı, dinamik keçir. Yeni "sezon"un bəzəyi isə məhz sürprizlərdir. Bu sensasiyalar isə yekunda "Qarabağ" üçün xoş olmaya bilər...
Pressing.az
Ağdam təmsilçisi uzun illərdir Azərbaycan futbolunun Avropadakı "səlahiyyətli səfiri"dir. Ardıcıl onuncu dəfə avrokubokların qrup mərhələsinə vəsiqə qazanan "köhlən atlar" ölkənin üzünü ağ edir, amma...
Amması odur ki, Qurban Qurbanovun yetirmələri Azərbaycan çempionatında yeni mövsümə bərbad start verib. İlk turda doğma divarlar arasında "Zirə"yə uduzan (0:1) "atlılar" son matçlardakı uğursuz nəticələri ilə də diqqət çəkir. Belə ki, dördüncü turda "Kəpəz"lə 1:1 hesablı heç-heçəyə razılaşan ağdamlılar beşinci turda Azərbaycan futbol ictimaiyyətini bir daha təccübləndirdi. Belə ki, "Qarabağ" iki ildən sonra gözlənilməz şəkildə "Səbail"ə məğlub oldu - 1:2.
Bir sözlə, "Qarabağ" hazırda rəqiblərinə xal(lar) paylamaqla məşğuldur. Bu gedişat isə son ölkə çempionunun azarkeşlərini özündən çıxarır. Təsadüfi deyil ki, artıq sosial şəbəkələrdə "köhlən atlar"ın fanat ordusu komandanın qeyri-stabil çıxışını tənqid atəşinə tutur.
Görünən budur ki, "Qarabağ" növbəti nailiyyətin ab-havasından çıxa bilmir. Düzdür, mövsüm yeni başlayıb, lakin son çempion yenə də gözlənilməz nəticələr burulğanına düşərək titulu əldən verə bilər. Ya da Ağdam təmsilçisi bütün diqqətini Avropa Liqasına verərək Azərbaycan futbolu tarixində bir ilkə imza atıb, sözügedən turnirin qrupundan çıxmağı hədəfləyir. Təki olsun, amma ölkə çempionatının önəmsənilməməsi sonda "Qarabağ"ı "Əli aşından da, Vəli aşından da edə bilər".
Sonda bir müsbət məqamı da qeyd etmək yerinə düşər ki, Azərbaycan çempionatında bu mövsüm olduqca maraqlı, dinamik keçir. Yeni "sezon"un bəzəyi isə məhz sürprizlərdir. Bu sensasiyalar isə yekunda "Qarabağ" üçün xoş olmaya bilər...
Pressing.az
