Xəbər lenti

Avrokubokların əsas mərhələlərində ilin son tur görüşlərinin ardından klubların UEFA reytinqi yenilənib.

Pressing.az xəbər verir ki, UEFA Çempionlar Liqası və Avropa Liqasında VI, Avropa Konfrans Liqasında isə V tur oyunlarının nəticələri sıralamada dəyişikliklərə səbəb olub.

İsveç səfərində "Elfsborq"a məğlub olan (0:1) "Qarabağ" bir pillə geriləyib. Azərbaycan çempionu 32,000 xalla 64-cü sıraya enib.

Belçikanın "Yunion Sent Jiluaz" klubu xal ehtiyatını 33,000-a çatdıraraq Qurban Qurbanovun komandasını keçib.

İngiltərənin "Aston Villa" kollektivi "köhlən atlar"a çataraq şərik olub.

Azərbaycanın digər təmsilçilərindən “Neftçi” 8,000 xalla 177-ci yerə şərikdir, "Zirə”, “Sabah”, “Sumqayıt” 4,000 xalla 310-cu, “Qəbələ” və “Şamaxı” 3,925 xalla 323-cü yeri bölüşənlər arasında yer alıb.

Reytinqə 135,000 xalla “Mançester Siti” başçılıq edir.