FİFA milli komandaların bu il üçün ilk reytinq cədvəlini elan edib.

Pressing.az xəbər verir ki, millimiz son reytinqlə müqayisədə 3 pillə geriləyib. Canni De Byazinin baş məşqçisi olduğu komanda 1142 xalla 124-cü pillədə qərarlaşıb. Buna millimizin Avro-2024-ün seçmə mərhələsində Avstriyaya 1:4, İsveçə 0:5 hesabı ilə uduzması səbəb olub.

Yığmamızın Avro-2024-ün seçmə mərhələsindəki rəqiblərindən Belçikanın mövqeyi dəyişməyib və 1792 xalla 4-cüdür. Aktivində 1558 xal olan İsveç 1 pillə irəliləyib, 22-ci yerdədir. Avstriya 2 pillə önə keçib, 1508 xalla 32-cidir. Estoniya isə 1 pillə irəliləyib və 1182 xalla 108-ci yerdə qərarlaşır.

İlk 3-lükdə də dəyişiklik olub. Son dünya çempionu Argentina siyahıda 1-ci pilləyə (1840 xal) yüksəlib. Fransa 2-ci (1838) pilləyə qalxıb. Braziliya liderlikdən 3-cü (1834) pilləyə geriləyib.