Millimizin üzvü Renat Dadaşovun formasını geyindiyi "Qrasshopper" İsveçrə çempionatında növbəti oyununa çıxıb.

Pressing.az xəbər verir ki, sözügedən komanda evdə "Vintertur"la qarşılaşıb. Görüş meydan sahiblərinin qələbəsiylə başa çatıb - 2:1.

Renat Dadaşov da bu görüşdə iştirak edib. Start heyətdə meydana çıxan hücumçu sona qədər oynayıb. 41-ci dəqiqədə komandasının ilk qolunu vuran Renat 90+4-cü dəqiqədə sarı vərəqə ilə cəzalanıb.

Qeyd edək ki, "Qrasshopper" çempionatda 24 turdan sonra 28 xalla 7-ci sıradadır.