Türkiyə Super Liqasında 36-cı turun oyunları keçirilir.

Pressing.az xəbər verir ki, Azərbaycan millisinin hücumçusu Renat Dadaşovun çıxış etdiyi "Hatayspor" bu gün öz meydanında "Ankaragücü" ilə qarşılaşıb.

Oyun Hatay klubunun 2:1 hesablı qələbəsi ilə başa çatıb. Meydan sahiblərinin qələbə qolunu Renat Dadaşov vurub. 87-ci dəqiqədə meydana daxil olan Dadaşov 3 dəqiqə sonra rəqib qapısına yol tapıb.

"Hatayspor" bu nəticədən sonra 37 xalla 18-ci pillədə qərarlaşıb.