Futbol üzrə İsveçrə Super Liqasında 29-cu turun oyunları keçirilir.

Pressing.az xəbər cerir ki, Azərbaycan yığmasının hücumçusu Renat Dadaşovun çıxış etdiyi "Qrasshopper" səfərdə "Vintertur"un qonağı olub. Qarşılaşma qonaqların 2:1 hesablı qələbəsi ilə başa çatıb.

Renat Dadaşov matçda start heyətdə başlayıb və 90 dəqiqə meydanda qalıb. Renat komandasının ikinci qolunun müəllifi olub. 45+1-ci dəqiqədə fərqlənən 23 yaşlı forvard hesabı 2:0 edib.

Xallarını 37-yə yüksəldən "Qrasshopper" turnir cədvəlinin 5-ci pilləsində qərarlaşıb.