Azərbaycan yığmasının yarımmüdafiəçisi Coşqun Diniyev Türkiyə 1-ci Liqasında növbəti oyununa çıxıb.

Pressing.az xəbər verir ki, həmyerlimizin çıxış etdiyi "Bandırmaspor" 19-cu tur çərçivəsində səfərdə "Pendikspor"un qonağı olub.

Oyun 1:1 hesabı ilə yekunlaşıb. İlk hissədə hesabda geri düşən Diniyevin komandası 90+6-cı dəqiqədə vurduğu qolla məğlubiyyətdən qaçıb.

Görüşə start heyətdə başlayan Coşqun sona qədər meydanda olub.