Azərbaycan Kuboku: “Qarabağ” və “Neftçi” də mübarizəyə başlayır

Ötən gün Azərbaycan Kubokunda 1/8 final mərhələsinə start verilib.

Pressing.az xəbər verir ki, ilk oyun günündə üç qarşılaşma keçirilib.

Premyer Liqa təmsilçilərindən “Səbail” “Qaradağ Lökbatan”la görüşüb. Oyun “Səbail”in 2:0 hesablı qələbəsi ilə yekunlaşıb. “Dənizçilər” növbəti mərhələdə “Qəbələ” – “Qarabağ” cütünün qalibi ilə görüşəcək.

“Araz-Naxçıvan” “Mingəçevir”lə üz-üzə gəlib və inamlı qələbəyə sevinib. Elita klublarından “Turan Tovuz” və “Sabah” 1/4 finala adlamaq üçün bir-biri ilə qarşılaşıb. Məhsuldar keçən matçın yekununda qalib penaltilər seriyasında müəyyənləşib. “Sabah” qələbə qazanmaqla 1/4 finala yüksəlib.

Bu gün “Qarabağ” və “Neftçi” Azərbaycan kubokunda mübarizəyə başlayacaq.

Ağdam təmsilçisi 1/8 final mərhələsində 1-ci Liqa klubu “Qəbələ”ni, “ağ-qaralar” isə “Difai”ni sınağa çəkəcək.

Bu mərhələdə “Kəpəz” – “İmişli”, “Zirə” – “Şamaxı” və “Sumqayıt” – MOİK oyunları da keçiriləcək.

Azərbaycan Kuboku, 1/8 final

4 dekabr

16:00. Qəbələ – Qarabağ
Hakimlər: Rauf Cabarov, Rəhman İmami, Kərim Zeynalov, Rəvan Həmzəzadə.
Hakim-inspektor: Munis Abdullayev.
Qəbələ şəhər stadionu

16:00. Kəpəz – İmişli
Hakimlər: Nicat İsmayıllı, Cəmil Quliyev, Zöhrab Abbasov, Ruslan Quliyev.
VAR: İnqilab Məmmədov.
AVAR: Namik Hüseynov.
Hakim-inspektor: Əmrah İbrahimov.
Tovuz şəhər stadionu

18:00. Neftçi – Difai
Hakimlər: Elvin Bayramov, Pərvin Talıbov, Gülnurə Əkbərzadə, Namiq Bəkirov.
Hakim-inspektor: Ramil Diniyev.
“Neftçi Arena”

19:00. Zirə – Şamaxı
Hakimlər: Əliyar Ağayev, Zeynal Zeynalov, Akif Əmirəli, Cavid Cəlilov.
VAR: Fərid Hacıyev.
AVAR: Vüsal Məmmədov.
Hakim-inspektor: İmanxan Sultani.
Zirə İdman Kompleksinin stadionu

19:00. Sumqayıt – MOİK
Hakimlər: Rauf Allahverdiyev, Asiman Əzizli, Teymur Teymurov, Kamran Əliyev.
Hakim-inspektor: Gülağa Cabarov.
Mehdi Hüseynzadə adına Sumqayıt şəhər stadionu