Futbol üzrə Azərbaycan Kubokunda 1/8 final mərhələsi davam edir.

Pressing.az xəbər verir ki, bu günə nəzərdə tutulan 2 görüşdən 1-i artıq başa çatıb. "Səbail" 1-ci liqa təmsilçisi "Şamaxı"nı qəbul edib. Matçda paytaxt təmsilçisi 6:0 hesabı ilə qalib gəlib və 1/4 finala adlayıb.

Saat 17:00-da start götürən oyunda isə "Zirə" "Turan Tovuz"la üz-üzə gəlib. Bakı təmsilçisi 0:1 geridə olsa da, 2:1 hesablı əzmkar qələbə qazanıb. Komanda 1/4 finalda "Səbail"ə rəqib olub.

Qeyd edək ki, daha əvvəl "Sabah", "Sumqayıt", "Araz-Naxçıvan" və "Qəbələ" 1/4 finala vəsiqə qazanıblar. Bu mərhələnin "Qarabağ" - MOİK və "Neftçi" - "Qaradağ Lökbatan" oyunları isə dekabrın 21-də keçiriləcək.

Xatırladaq ki, 1/8 final bir oyundan ibarətdir.

20 dekabr

17:00. "Zirə" - "Turan Tovuz" - 2:1

Qol: Otto Con, 4 (0:1), Filipe Paxtmann, 82 (1:1), Rüstəm Əhmədzadə, 89 (2:1)

Hakimlər: İnqilab Məmmədov, Müslüm Əliyev, Rəhman İmami, Rəvan Həmzəzadə

Zirə İdman Kompleksinin stadionu

14:00. "Səbail" - "Şamaxı" - 6:0

Qollar: Amil Yunanov, 23-pen; Amil Yunanov, Pedro Nuno, 50, Rüfət Abdullazadə, 56, 80, Adi Mehremiç, 90+2

Hakimlər: Tural Qurbanov, Rahil Ramazanov, Zöhrab Abbasov, Rövşən Rəcəbov

"ASCO Arena"