Bu gün futbol üzrə Azərbaycan Kubokunda 1/8 final mərhələsinin daha iki oyunu keçiriləcək.

Pressing.az xəbər verir ki, günün ilk matçında "Səbail" 1-ci liqa təmsilçisi "Şamaxı"nı qəbul edəcək. Qarşılaşma saat 14:00-da başlayacaq.

Saat 17:00-da start götürəcək oyunda isə "Zirə" "Turan Tovuz"la üz-üzə gəcək. Bugünkü oyunların qalibləri 1/4 finalında bir-birinə rəqib olacaqlar.

Qeyd edək ki, daha əvvəl "Sabah", "Sumqayıt", "Araz-Naxçıvan" və "Qəbələ" 1/4 finala vəsiqə qazanıblar. Bu mərhələnin "Qarabağ" - MOİK və "Neftçi" - "Qaradağ Lökbatan" oyunları isə dekabrın 21-də keçiriləcək.

Xatırladaq ki, 1/8 final bir oyundan ibarətdir.

20 dekabr

14:00. "Səbail" - "Şamaxı"

Hakimlər: Tural Qurbanov, Rahil Ramazanov, Zöhrab Abbasov, Rövşən Rəcəbov

"ASCO Arena"

17:00. "Zirə" - "Turan Tovuz"

Hakimlər: İnqilab Məmmədov, Müslüm Əliyev, Rəhman İmami, Rəvan Həmzəzadə

Zirə İdman Kompleksinin stadionu