Azərbaycan kubokunda yarımfinal cütləri müəyyənləşdi - YENİLƏNİB

Bu gün Azərbaycan kubokunda 1/4 final mərhələsinə yekun vurulub.

Pressing.az xəbər verir ki, bu gün daha 2 görüş keçirilib. Əvvəlcə "Turan Tovuz" "Kəpəz"i qəbul edib. Görüş 2:2 hesabı ilə yekunlaşıb. Komandalar arasında keçirilən ilk oyunda "Turan Tovuz" 2:1 hesablı qələbə qazanıb. Buna görə də "Turan Tovuz" 2 oyunun cəmində yarımfinala adlayıb.

Digər oyunda isə "Neftçi" öz meydanında "Zirə" ilə qarşılaşıb. Oyunun əsas vaxtı "Neftçi"nin 2:1 hesablı üstünlüyü ilə başa çatıb. İlk oyunda "Zirə" 1:0 hesablı qələbə qazandığından görüşdə əlavə vaxt oynanılıb. Burada daha bir qol vuran "Neftçi" 3:1 hesablı qələbə ilə yarımfinala yüksəlib.

Beləliklə, yarımfinalda "Qəbələ" "Səbail"lə, "Neftçi" "Turan Tovuz"la qarşılaşacaq.

20 dekabr (çərşənbə axşamı)

Azərbaycan kuboku

1/4 final, cavab oyunları[i][/i]

19:00. “Neftçi” – “Zirə” - 3:1

Qollar: Yeqor Boqomolski, 3 (1:0), Emin Mahmudov, 45+1 (2:0), Loris Broqno, 89 (2:1), Kenni Sayef, 95 (3:1)

Qırmızı vərəqələr: Təmkin Xəlilzadə, 120, Hacıağa Hacılı, 121 (hər ikisi "Zirə", 2-ci sarı vərəqə)

Reallaşdırılmayan penalti: Hamidu Keyta ("Zirə"), 111 - qapıçı
Hakimlər: Rauf Cabarov, Namiq Hüseynov, Cavanşir Yusifov, Cavid Cəlilov

(“Bakcell Arena”)

İlk oyun - 0:1

14:00. “Turan Tovuz” – “Kəpəz” - 2:2

Qollar: Faiq Hacıyev, 15 (1:0), Xəyal Nəcəfov, 16 (2:0), Fərid Nəbiyev, 32 (2:1), 45+3 (2:2)

Hakimlər: Rəvan Həmzəzadə, Cəmil Quliyev, Vüsal Məmmədov, Kamal Umudlu

(Tovuz şəhər stadionu)

İlk oyun - 2:1

19 dekabr

"Sabah" - "Səbail" - 0:1

İlk oyun - 2:3

"Qəbələ" - "Qarabağ" - 1:0

İlk oyun - 2:2

Azərbaycan kubokunda yarımfinal cütlükləri

19 və 27 aprel (2023-cü il)

"Qəbələ" - "Səbail"

"Turan Tovuz" - "Neftçi"