"Neftçi" və "Araz-Naxçıvan" yarımfinalda – YENİLƏNİB

Bu gün Azərbaycan kubokunda 1/4 final mərhələsinə yekun vurulacaq.

Pressing.az xəbər verir ki, 2-ci oyun günündə keçirilən 2 cavab matçı ilə son 2 yarımfinalçı da müəyyənləşib.

Əvvəlcə "Zirə" "Araz-Naxçıvan"ı qəbul edib. Matç qonaqların 2:0 hesablı qələbəsi ilə bitib.

Günün digər matçında isə "Neftçi" "Kəpəz"lə qarşılaşıb. Oyun bakılıların 1:0 hesablı qələbəsi ilə başa çatıb. Bu komandalar arasında ilk görüşdə də "ağ-qaralar" 2:0 hesablı qələbə qazanıb.

"Neftçi" növbəti raundda "Sabah"la üz-üzə gələcək.

Qeyd edək ki, ötən gün keçirilən 2 cavab oyunundan sonra "Qarabağ" və "Sabah"ın yarımfinala yüksəldiyi dəqiqləşib.

Azərbaycan kuboku, 1/4 final, cavab oyunları

28 fevral

19:30. “Neftçi” – “Kəpəz” - 1:0

Qol: Bassala Sambu, 27

Hakimlər: Rəşad Əhmədov, Vüsal Məmmədov, Teymur Teymurov, Tural Qurbanov

VAR: Rəvan Həmzəzadə

AVAR: Kamran Bayramov

"Neftçi Arena".

İlk oyun: 2:0

16:00. “Zirə” – “Araz-Naxçıvan” - 0:2

Qollar: Felipe Santos, 3-pen; 45-pen.

Hakimlər: İnqilab Məmmədov, Namik Hüseynov, Rahil Ramazanov, Kamal Umudlu

VAR: Əliyar Ağayev

AVAR: Akif Əmirəli

Zirə İdman Kompleksinin stadionu