"Qəbələ" və "Səbail" yarımfinalda!

Bu gün futbol üzrə Azərbaycan Kubokunda 1/4 final mərhələsinin cavab matçları keçiriləcək.

Pressing.az xəbər verir ki, ilk oyun günündə 2 matç keçirilib.

"Qəbələ" evdə "Qarabağ"ı qəbul edib. İlk oyunu 2:2 hesabı ilə başa çatan komandaların bu matçı "Qəbələ"nin qələbəsi ilə başa çatıb - 1:0. Bununla da "Qarabağ"ı mübarizədən kənarlaşdıran Elmar Baxşıyevin komandası yarımfinala yüksəlib.

Digər matçda isə "Sabah" "Səbail"lə doğma meydanda üz-üzə gəlib. "Bank Respublika Arena"dakı görüşdə "Səbail" 1:0 hesabı ilə qalib gələrək növbəti mərhələyə adlayıb və tarixində ilk dəfə yarımfinala yüksəlib. "ASK Arena"dakı ilk qarşılaşmada da "dənizçilər" 3:2 hesablı qələbə qazanmışdı.

Yarımfinalda "Qəbələ" və "Səbail" üz-üzə gələcək.

Qeyd edək ki, 1/4 finalın digər iki oyunu dekabrın 20-də olacaq. "Turan Tovuz" "Kəpəz"i, "Neftçi" isə "Zirə"ni qəbul edəcək.

Azərbaycan kuboku
1/4 final, cavab oyunları
19 dekabr

19:00. "Sabah" - "Səbail" - 0:1

Qol: Qoba Zakpa, 73

Hakimlər: Elçin Məsiyev, Zeynal Zeynalov, Pərvin Talıbov, Rəşad Əhmədov
İlk oyun - 2:3
"Bank Respublika Arena"

16:00. "Qəbələ" - "Qarabağ" - 1:0

Qol: Ramon Maçado, 71

Hakimlər: İnqilab Məmmədov, Rahil Ramazanov, Rəhman İmami, Vüqar Həsənli
İlk oyun - 2:2
Qəbələ şəhər stadionu