"Baku Sportinq" Azərbaycan Kubokunun II təsnifat mərhələsində "Kəpəz"ə 0:2 hesabı ilə məğlub olaraq turnirdə mübarizəni dayandırıb.

II Liqa təmsilçisinin baş məşqçisi Elman Sultanov matçdan sonra Pressing.az saytının əməkdaşınnı suallarını cavablandırıb:

- Futbolçularıma gözəl və baxımlı oyuna görə təşəkkürümü bildirirəm. Biz II Liqada mübarizə aparırıq. Bu gün rəqibimiz Premyer Liqa təmsilçisi idi. Meydana çıxdıq və futbol oynadıq. Nə bacarırıqsa,onu da göstərdik.

- Oyunun penaltilər seriyasına getməməsi komandanızın fiziki durumu ilə bağlıdır?

- Şükür edək ki, 90 dəqiqə oynamışıq. II Liqa komandası bu gün Premyer Liqa təmsilçisi ilə oyunda 90 dəqiqə dözürsə, şükür etməliyik. Hər şey yaxşı idi.

- II Liqada hədəfiniz nədir?

- Bir dənə məqsədimiz var, I Liqaya çıxmaq. Orada da yaxşı futbol göstərmək istəyirik. Rəhbərliyimiz Premyer Liqaya çıxmağımızı istəsə, bunu da etməyə çalışacağıq.

- Qış fasiləsində heyəti gücləndirməyi düşünürsünüz?

- Fikirləşirik.

- Digər komandalar da güclənəcək...

- Sizinlə razıyam. Biz də nəsə düşünürük. Danışıqlar gedir. Hazırda adları deyə bilmərəm.

- Hansı mövqeləri gücləndirmək istəyirsiz?

- Deyə bilmərəm.

- Bəxtiyar Soltanovun oynamamasının səbəbi nədir?

- Son məşqdə ayağından zədə alıb. Buna görə oynaya bilmədi. Amma həftə ərzində məşq etmişdi, hazır idi. Ciddi zədə deyil.

Elsəvər Muradzadə