"Kəpəz" Azərbaycan Premyer Liqasının II təsnifat mərhələsində "Baku Sportinq"i 2:0 hesabı ilə məğlub edərək 1/8 finala yüksəlib.

Premyer Liqa təmsilçisinin baş məşqçisi Adil Şükürov matçdan sonra Pressing.az saytının əməkdaşınnı suallarını cavablandırıb:

- Çox ağır oyun oldu. Allaha şükürlər olsun ki, mərhələni adladıq. Bütün azarkeşlərimizə minnətdarlığımı bildirirəm. Əlavə vaxt izlədik. Komanda daha yaxşı oyun göstərməyə çalışdı. İstədiklərimizə hələ tam olaraq nail ola bilməmişik. Bunun üçün bizə müəyyən vaxt lazımdır. Qarşıda bizi "Sabah"la çox ağır oyun gözləyir. Ümid edirəm ki, uşaqlar bərpa olub həmin matça daha rahat çıxa bilərlər.

- Bu oyun futbolçuların fiziki durumu ilə bağlı hansı siqnallar verdi?

- İstəyirik bütün futbolçuları oynadaq ki, oyun ritmində qalsınlar. Çünki, qarşıda ağır oyunlarımız var. Özü də qısa müddətdə oynamalıyıq.

- Matçın 120 dəqiqə oynanması "Sabah"la oyuna necə təsir edəcək?

- Ümid edirəm ki, təsir göstərməz. Bəzi futbolçular 120 dəqiqə oynadılar. Çalışacağıq ki, onları tez bərpa edək.

- Qışda komandadan gedənlər və yeni transferlərlə bağlı planınız var?

- Əsas istəyimiz komandanı optimal formaya gətirməkdir. Azər Məmmədov sağ olsun, yaxşı komanda qurub. Çalışırıq ki, bu komandanı daha irəli aparaq.

Elsəvər Muradzadə