Luka Dumançiç: "Son tura qədər döyüşəcəyik, daha güclü "Araz-Naxçıvan" görəcəksiniz" – MÜSAHİBƏ
"Araz-Naxçıvan" ötən gün Misli Premyer Liqasının 4-cü turu çərçivəsində "Qarabağ"ın qonağı olub və matçdan 2:3 hesablı məğlubiyyətlə ayrılıb.
Qarşılaşmadan sonra Naxçıvan təmsilçisinin xorvatiyalı mərkəz müdafiəçisi Luka Dumançiç Pressing.az-ın suallarını cavablandırıb:
– Oyun barədə fikirləriniz nədir?
– Məğlubiyyət məni məyus edir. 1 xal qazanmaq imkanını əldən verdik. Daha yaxşısını edə bilərdik. Meydanda yaxşı mübarizə apardıq. Oyundan oyuna daha yaxşısını göstərmək üçün çalışırıq. Hər oyun təcrübə deməkdir.
– "Araz-Naxçıvan"da ilk qolunuzu vurdunuz. Təəssüratlarınız nədir?
– Bəli, ilk qolu vurmaq, matçda fərqlənmək məni sevindirir. Ümid edirəm, son olmayacaq. Qolların ardı gələcək. Vurduğum qollarla komandamın qələbə qazanması, xallar əldə etmək məni daha çox sevindirər. 2:1-dən sonra fərqlənmək üçün imkanlarımız oldu, 1 xal qazanmağa yaxın olduq, ancaq alınmadı. Təəssüflənirəm.
– Qeyd etdiyiniz kimi, qollar vuruldu. Amma son dəqiqələrdə 1 xalı əldən verdiniz...
– Düşünürəm ki, 100 faizlik epizodları qola çevirmək üçün çalışmalıyıq. Daha yaxşısını edə bilərik. Özümüzə inanmalıyıq. İnamlı olmaq önəmlidir. Çünki keyfiyyətli heyətimiz var.
– 4 oyun və 1 xal...
– Düzünü desəm, komanda daxilində hər şey qaydasındadır. Burada hər cür şərait var. Məşqlərdə çox çalışırıq. Biz komandadan çox, bir ailəyik. Daim mübariz ruhda meydana çıxırıq. Son tura qədər döyüşəcəyik. Daha artığı üçün cəhd edəcəyik. Daha güclü "Araz-Naxçıvan" görəcəksiniz.
– Məşqlərdən və keçirdiyiniz bu 4 oyundan sonra məşqçi bu situasiyadan sizi çıxarmaq üçün komandaya hansı tövsiyələri verir, sizi necə ruhlandırır?
– Daha aqressiv oynamalıyıq. Bitirici nöqtələrə ehtiyacımız var. Baş məşqçi daim bizi dəstəkləyir. O həm məşqlərdə, həm də matçlarda bizi mübarizəyə səsləyir. Növbəti matçlarda qazanılacaq qələbə bizə ruh yüksəkliyi verəcək. Xallar qazanmalıyıq.
Azad Nuriyev
Qarşılaşmadan sonra Naxçıvan təmsilçisinin xorvatiyalı mərkəz müdafiəçisi Luka Dumançiç Pressing.az-ın suallarını cavablandırıb:
– Oyun barədə fikirləriniz nədir?
– Məğlubiyyət məni məyus edir. 1 xal qazanmaq imkanını əldən verdik. Daha yaxşısını edə bilərdik. Meydanda yaxşı mübarizə apardıq. Oyundan oyuna daha yaxşısını göstərmək üçün çalışırıq. Hər oyun təcrübə deməkdir.
– "Araz-Naxçıvan"da ilk qolunuzu vurdunuz. Təəssüratlarınız nədir?
– Bəli, ilk qolu vurmaq, matçda fərqlənmək məni sevindirir. Ümid edirəm, son olmayacaq. Qolların ardı gələcək. Vurduğum qollarla komandamın qələbə qazanması, xallar əldə etmək məni daha çox sevindirər. 2:1-dən sonra fərqlənmək üçün imkanlarımız oldu, 1 xal qazanmağa yaxın olduq, ancaq alınmadı. Təəssüflənirəm.
– Qeyd etdiyiniz kimi, qollar vuruldu. Amma son dəqiqələrdə 1 xalı əldən verdiniz...
– Düşünürəm ki, 100 faizlik epizodları qola çevirmək üçün çalışmalıyıq. Daha yaxşısını edə bilərik. Özümüzə inanmalıyıq. İnamlı olmaq önəmlidir. Çünki keyfiyyətli heyətimiz var.
– 4 oyun və 1 xal...
– Düzünü desəm, komanda daxilində hər şey qaydasındadır. Burada hər cür şərait var. Məşqlərdə çox çalışırıq. Biz komandadan çox, bir ailəyik. Daim mübariz ruhda meydana çıxırıq. Son tura qədər döyüşəcəyik. Daha artığı üçün cəhd edəcəyik. Daha güclü "Araz-Naxçıvan" görəcəksiniz.
– Məşqlərdən və keçirdiyiniz bu 4 oyundan sonra məşqçi bu situasiyadan sizi çıxarmaq üçün komandaya hansı tövsiyələri verir, sizi necə ruhlandırır?
– Daha aqressiv oynamalıyıq. Bitirici nöqtələrə ehtiyacımız var. Baş məşqçi daim bizi dəstəkləyir. O həm məşqlərdə, həm də matçlarda bizi mübarizəyə səsləyir. Növbəti matçlarda qazanılacaq qələbə bizə ruh yüksəkliyi verəcək. Xallar qazanmalıyıq.
Azad Nuriyev
