"Tam istədiklərimizi reallaşdırmaq üçün müəyyən vaxt lazımdır" - Murad Musayev
"Sabah"ın baş məşqçisi Murad Musayev dünən "Qəbələ" ilə keçirilən yoxlama matçından (2:2) sonra Pressing.az-ın suallarını cavablandırıb.
- Hazırlıq necə gedir? Bu gün komanda yoxlama oyununda qüvvəsini sınadı. Təəssüratlarınız necədir?
- Futbolçuların məşqlərə yanaşmasından razı qaldım. Onlar əsl peşəkarlıq nümayiş etdirirlər. Təbii ki, inkişaf etdirməli olduğumuz məqamlar var. Hazırda hər şey plana uyğun gedir. Tam istədiklərimizi reallaşdırmaq üçün müəyyən vaxt lazımdır. Bu gün hazırlığın ilkin mərhələsini başa vurduq. Yeni mövsümə hazırlığın ilk mərhələsinin ilk hissəsini Masazırda, öz bazamızda, ikinci hissəsini isə Qəbələdə keçdik. Əsas çətinliyimiz futbolçuların müxtəlif vaxtlarda düşərgəyə qoşulması ilə bağlı oldu. Məsələn, milli üzvləri bir qədər gec qoşuldu komandaya. Bundan əlavə icarədən qayıdan futbolçular da komanda ilədir. Hazırlıq müddətində düşərgəyə qoşulma müddətindən, hazırlıq səviyyəsindən asılı olaraq ilkin mərhələdə hər futbolçu üçün fərqli məşq planı tətbiq etdik. Vahid məşq planıyla yalnız Qəbələdə məşq etmək imkanı əldə etdik. Bakıda yoxlama oyunu keçirmək üçün rəqib tapmadıq. Çünki biz hazırlıq prosesinə digər komandalarla müqayisədə bir qədər erkən başlamışdıq. Şadam ki, "Qəbələ" ilə oyununuz baş tutdu. Bu cür yaxşı komanda ilə oyun bizim üçün faydalı oldu. Hər şey planlaşdırdığımız kimi gedir. İki gün sonra Avstriyaya yola düşəcəyik. Orada da 3 yoxlama oyunu keçirməyi nəzərdə tutmuşuq.
- Yeni mövsüm üçün transfer çalışmaları barədə nə deyə bilərsiz? Yeni transferlərdən razısız?
- Bu gün üçün 3 transfer gerçəkləşdirmişik. Hansı ki, həmin oyunçuları heyətimizə cəlb etməyi çox istəyirdik. Şadam ki, onlar hazırda bizimlədirlər. Hazırda onların komandaya uyğunlaşma prosesi gedir. Lakin komanda hələ tam komplektləşməyib. Ümid edirəm ki, Avstriyada bu prosesi başa vura biləcəyik.
- Aleksey Kaşukun Avropa çempionatındakı çıxışını izləyirsiz? Onun oyununu necə dəyərləndirirsiz?
- Əlbəttə, Kaşukun Avropa çempionatındakı çıxışını yaxından izləyirəm. Mənimlə yanaşı, bütün komanda onun çıxışını yaxından izləyir və dəstəkləyir. O artıq qol vurub, məhsuldar ötürmə edib. Daha artıq qol vura bilərdi. İndi onu qarşıda çox vacib oyun - yarımfinal matçı gözləyir. Ümid edirəm ki, o bir az daha irəli gedərək daha yaxşı nəticəyə imza atacaq.
Elsevər Muradzadə, Bakı-Qəbələ
- Hazırlıq necə gedir? Bu gün komanda yoxlama oyununda qüvvəsini sınadı. Təəssüratlarınız necədir?
- Futbolçuların məşqlərə yanaşmasından razı qaldım. Onlar əsl peşəkarlıq nümayiş etdirirlər. Təbii ki, inkişaf etdirməli olduğumuz məqamlar var. Hazırda hər şey plana uyğun gedir. Tam istədiklərimizi reallaşdırmaq üçün müəyyən vaxt lazımdır. Bu gün hazırlığın ilkin mərhələsini başa vurduq. Yeni mövsümə hazırlığın ilk mərhələsinin ilk hissəsini Masazırda, öz bazamızda, ikinci hissəsini isə Qəbələdə keçdik. Əsas çətinliyimiz futbolçuların müxtəlif vaxtlarda düşərgəyə qoşulması ilə bağlı oldu. Məsələn, milli üzvləri bir qədər gec qoşuldu komandaya. Bundan əlavə icarədən qayıdan futbolçular da komanda ilədir. Hazırlıq müddətində düşərgəyə qoşulma müddətindən, hazırlıq səviyyəsindən asılı olaraq ilkin mərhələdə hər futbolçu üçün fərqli məşq planı tətbiq etdik. Vahid məşq planıyla yalnız Qəbələdə məşq etmək imkanı əldə etdik. Bakıda yoxlama oyunu keçirmək üçün rəqib tapmadıq. Çünki biz hazırlıq prosesinə digər komandalarla müqayisədə bir qədər erkən başlamışdıq. Şadam ki, "Qəbələ" ilə oyununuz baş tutdu. Bu cür yaxşı komanda ilə oyun bizim üçün faydalı oldu. Hər şey planlaşdırdığımız kimi gedir. İki gün sonra Avstriyaya yola düşəcəyik. Orada da 3 yoxlama oyunu keçirməyi nəzərdə tutmuşuq.
- Yeni mövsüm üçün transfer çalışmaları barədə nə deyə bilərsiz? Yeni transferlərdən razısız?
- Bu gün üçün 3 transfer gerçəkləşdirmişik. Hansı ki, həmin oyunçuları heyətimizə cəlb etməyi çox istəyirdik. Şadam ki, onlar hazırda bizimlədirlər. Hazırda onların komandaya uyğunlaşma prosesi gedir. Lakin komanda hələ tam komplektləşməyib. Ümid edirəm ki, Avstriyada bu prosesi başa vura biləcəyik.
- Aleksey Kaşukun Avropa çempionatındakı çıxışını izləyirsiz? Onun oyununu necə dəyərləndirirsiz?
- Əlbəttə, Kaşukun Avropa çempionatındakı çıxışını yaxından izləyirəm. Mənimlə yanaşı, bütün komanda onun çıxışını yaxından izləyir və dəstəkləyir. O artıq qol vurub, məhsuldar ötürmə edib. Daha artıq qol vura bilərdi. İndi onu qarşıda çox vacib oyun - yarımfinal matçı gözləyir. Ümid edirəm ki, o bir az daha irəli gedərək daha yaxşı nəticəyə imza atacaq.
Elsevər Muradzadə, Bakı-Qəbələ
