"Kəpəz" azarkeşləri "Cavad Xan" adlı yeni fan-klub yaradır

Gəncəli azarkeşlər yeni fan-klub yaradacaq.

"Kəpəz" Peşəkar Futbol Klubuna daha güclü və təşkilatlanmış dəstəyin təmin olunması məqsədilə "Cavad Xan" fan-klubunun yaradılması istiqamətində hazırlıq işlərinə start verib.

Pressing.az xəbər verir ki, hazırda təsis sənədləri hazırlanır və yaxın günlərdə rəsmi müraciətin Gəncə təmsilçisinin İctimai Birliyinin İdarə Heyətinə təqdim edilməsi nəzərdə tutulur.

Fan-klubun əsas məqsədi "Kəpəz"ə təşkilatlanmış dəstək vermək, sağlam azarkeş mədəniyyətini təşviq etmək və Gəncə futbolu ətrafında həmrəyliyi daha da gücləndirməkdir. Üzvlük qeydiyyatı və fəaliyyət proqramı ilə bağlı ətraflı məlumat yaxın vaxtlarda ictimaiyyətə təqdim olunacaq.