Sxadadzedən qələbə şərhi

"Qəbələ" klubu Misli Premyer Liqasının 32-ci turunda səfərdə "Karvan-Yevlax"ı 2:1 hesabı ilə məğlub edib.

Pressing.az xəbər verir ki, "qırmızı-qaralar"ın baş məşqçisi Kaxaber Sxadadze matçdan sonra mətbuat konfransında oyunla bağlı danışıb:

- Futbolçularımı qələbə münasibətilə təbrik edirəm. Bu gün yaxşı oynadıq. Birinci hissədə sonluqlarla bağlı problem yaşayırdıq. İkinci hissədə standart vəziyyətdən qol buraxdıq. Bundan sonra da yaxşı oyun göstərməyə davam edirdik. İki qol vurduq. Daha çox qol vura bilərdik. Bu oyunda çox müsbət məqamlar gördüm. Matç turnir cədvəli baxımından demək olar ki, heç bir əhəmiyyət kəsb etmirdi. Buna baxmayaraq futbolçular qarşılaşmaya kökləndilər və sona qədər mübarizə apardılar.