Millimizin Sevinci

Azərbaycanın qadınlardan ibarət millisi bu gün dünya çempionatının seçmə mərhələsi çərçivəsində ilk oyununa çıxıb.

Pressing.az xəbər verir ki, C Liqasının 3-cü qrupunun matçında Siyasət Əsgərovun rəhbərlik etdiyi yığmamız Bakıda Şimali Makedoniya ilə üz-üzə gəlib.

“Dalğa Arena”da keçirilən görüş Azərbaycan millisinin 2:0 hesablı qələbəsi ilə başa çatıb. Hər iki qolu kapitan Sevinc Cəfərzadə vurub.

Qeyd edək ki, yığmamızın qrupdakı digər rəqibləri Macarıstan və Andorra milliləridir. Millimiz qrupda növbəti oyununu martın 7-də Felksut şəhərində yerləşən “Panço Arena”da Macarıstan yığmasına qarşı keçirəcək.

3 mart

15:00. Azərbaycan - Şimali Makedoniya - 2:0

Qollar: Sevinc Cəfərzadə, 28, 78

Hakimlər: Anna Adamska, Julia Bukaroviç, Angelika Novak, Mixalina Diakov (hamısı Polşa)

“Dalğa Arena”