"Sabah" klubunun baş məşqçisi Vasili Berezutski Azərbaycan kubokunun finalının əlavə vaxtında "Qarabağ"ı 3:2 hesabı ilə məğlub etdikləri oyunu şərh edib.

Pressing.az xəbər verir ki, o, matçdan sonra keçirilən mətbuat konfransında deyib: "Çox maraqlı oyun alındı. Hər iki tərəf fərqləndi, penaltilər oldu. Oyunçularımız əllərindən gələni etdilər. Qələbə onların əməyidir. "Sabah"ı tarixindəki ilk kubok münasibətilə təbrik edirəm".

Mütəxəssis klubdakı gələcəyi haqda da söz açıb: "Gələcəklə bağlı nəyisə deyə bilmərəm. Gözləyək, görək. Eşidəcəksiniz. Bunların hamısını mən və klub rəhbərliyi ilə müzakirədən sonra biləcəyik".

V.Berezutski bildirib ki, onun gəlişindən sonra "Sabah"ın "Qarabağ"a qarşı uduzmaması ilə bağlı heç bir sirr yoxdur: "Qarabağ" Azərbaycanda dominantlıq edən klubdur. Hansısa böyük resept yoxdur. Bu sadəcə uşaqların əməyidir".