"Sabah" klubunun baş məşqçisi Vasili Berezutski Misli Premyer Liqasının 32-ci turunda "Qarabağ"la 1:1 hesablı heç-heçə etdikləri oyunu şərh edib.

Pressing.az xəbər verir ki, o, matçdan sonra keçirilən mətbuat konfransında deyib:

- "Qarabağ"ı çempionluq münasibətilə təbrik edirəm. Bu gün hər iki tərəfin ifasında kəskin hücumlar şəraitində keçən oyunun şahidi olduq. Bərabər səviyyədə oyun oldu. Biz bu gün bir xala layiq idik.

- Kubokun finalında da "Qarabağ"la qarşılaşacaqsınız. Müəyyən qeydlər apardınız?

-Təbii ki, etdik. Kubokun finalı bir oyundan ibarətdir, hər şey baş verə bilər. Amma biz "Qarabağ"ı finalda favorit hesab edirik. Azərbaycan çempionatında hər rəqiblə 4 dəfə qarşılaşırsan. Rəqiblər barədə müəyyən qeydlərin olur.

- Özünüzü finalda "Qarabağ"ı udacaq gücdə hesab edirsiniz?

- Əlbəttə. Bundan qabaqkı sualda bu haqda danışdım. Finaldır, hər şey ola bilər. Bəli, "Qarabağ" favoritdir. Amma biz güclü tərəflərimizi bilirik. Hər şeyi edəcəyik ki, kuboku qazanaq.

- Avrokuboklara vəsiqə qazana bilməsəniz, postunuzda qalacaqsınız, yoxsa gedəcəksiniz?

- Bu qədər gələcəklə bağlı heç nə deyə bilmərəm. Bu barədə klubun rəhbərliyi ilə mənimlə birlikdə qərar verəcək. (sportal.az)