Berezutski "Şamaxı"ya məğlubiyyət haqda NƏLƏR DEDİ?

Misli Premyer Liqasının 26-cı turunda səfərdə "Şamaxı"ya məğlub olan "Sabah"ın baş məşqçisi Vasili Berezutski oyun barədə fikirlərini bölüşüb.

Pressing.az xəbər verir ki, rusiyalı mütəxəssis oyundan sonra keçirilən mətbuat konfransında belə danışıb:

"Araz-Naxçıvan"la oyundan fərqli olaraq qənaətbəxş oyun olmadı. Matçda yaranan çox sayda fasilələr qarşılaşmanın intensivliyini, sürətini azaldır. Bu, bizim üçün bəhanə deyil. Amma rəqibin oyunçuları bəzən 3 dəqiqə vaxt uzadırdılar.

Mənim baş məşqçi olduğum dönəmdə burada iki dəfə uduzduğumuz "Şamaxı" bizdən nədə üstündür? Mövqe hücumları edərkən rəqibin müdafiəsini yarmaq çətin idi. Turnir cədvəlində bizdən aşağıda qərarlaşan komandalara qarşı oyunlarda adətən belə olur. Reallıq belədir. Bəlkə də oyunçuların səviyyəsi ilə bağlıdır.

Şakir Seydovla Abdulla Rzayevi niyə "dubl"a göndərdim? Yerli futbolçulara antipatiyam yoxdur. Buzdə Xəyal Əliyev oynayır, Seymur meydana qayıdıb. Onlar bizim bugünkü tələblərinə cavab vermirlər. Həm də işə yanaşma anlayışı var.