Bu gün Bakıda güləş üzrə Avropa Olimpiya Təsnifat turnirinə yekun vurulacaq.

Pressing.az xəbər verir ki, sonuncu yarış günündə sərbəst güləşçilər mübarizə aparacaqlar.

Əliabbas Rzazadə (57 kq) təsnifat mərhələsində italiyalı Simone Piroddu ilə qarşılaşacaq.

Hacı Əliyev (65 kq) eyni mərhələdə Xamzat Arsamerzoyev ilə (Fransa) güləşəcək.

Osman Nurmaqomedov (86 kq) ilk mərhələdə litvalı Domantas Pavluçenkonun müqavimətini qırmağa çalışacaq.

Turan Bayramov (74 kq) 1/8 finalda isveçrəli Tobias Portmannla qarşılaşacaq.

Georgi Meşvildişvili (125 kq) mübarizəyə 1/4 finaldan qoşulacaq. O, Abraham Konyedo (İtaliya) - Paris Karepi (Albaniya) cütünün qalibi ilə üz-üzə gələcək.

Qeyd edək ki, ilk iki gündə Azərbaycanın 4 yunan-Roma və 5 qadın güləşçisi mübarizəni dayandırıb.