Tacikistanın paytaxtı Düşənbə şəhərində cüdo üzrə "Böyük Dəbilqə" turniri davam edir.

Pressing.az xəbər verir ki, yarışın ikinci günündə Azərbaycanın iki cüdoçusu mübarizəyə qoşulacaq.

Vüsal Qələndərzadə (73 kq) 1/8 finalda Yunlonq Qou (Çin) / Anqsarbek Qaynullin (Qazaxıstan) cütünün qalibi ilə qarşılaşacaq.

Süleyman Şükürov (81 kq) isə 1/8 finalda Monqolustan təmsilçisi Batsuqar Qansux ilə üz-üzə gələcək.

Qeyd edək ki, ötən gün cüdoçumuz Balabəy Ağayev (60 kq) qızıl medal qazanıb.