Paris-2024 Yay Olimpiya Oyunlarının finalına vəsiqə qazanan Azərbaycan boksçusu Alfonso Domingesin (92 kq) həlledici görüşdəki rəqibi müəyyənləşib.

Pressing.az xəbər verir ki, bu çəki dərəcəsində digər yarımfinal qarşılaşmasında Dominges finalda Lazizbek Mullojonovla (Özbəkistan) Davlat Boltayev (Tacikistan) üz-üzə gəliblər.

Döyüş Özbəkistan boksçusunun 4:1 hesablı qələbəsi ilə başa çatıb.

Final döyüşünün avqustun 9-u Paris vaxtı ilə saat 22:24, Bakı vaxtı ilə 10 avqust saat 00:34-də başlaması nəzərdə tutulub.

A.Dominges Tokio-2020 Yay Olimpiya Oyunlarının bürünc mükafatçısı, dünya çempionu (2021-ci il) və dünya çempionatının (2023) gümüş medalçısıdır. Onun finaldakı rəqibi isə Asiya çempionu (2022) olub və dünya çempionatında (2023)3-cü yeri tutub.