Ədalətli olaraq nifrət qazanan Akif Əmirəli – YAZI
Son zamanlar mediada Əliyar Ağayevin beynəlxalq oyunlara təyinat alması ilə bağlı yayılan xəbərləri görməyə vərdiş etmişik.
Məlum məsələdir ki, FİFA rederisi matçları briqadası ilə birgə idarə edir. Ona beynəlxalq dərəcəli laysmanlar - Zeynal Zeynalov və Akif Əmirəli yardım edirlər. Bu şəxsləri mediada heç vaxt ön planda görməmişik.
Bu trionun 2 il Çempionlar Liqasının qrup mərhələsində ("Kopenhagen" - "Borussiya" (Dortmund) ilk dəfə təyinat alarkən məlum oldu ki, "Cin"in (müğənni Ceyhun Zeynalov) qardaşı Zeynal Əliyar Ağayev ilə birgə ÇL oyununu idarə edəcək.
Bu şəxs haqda maksimum bu qədər məlumatımız var idi. İndi isə ikinci laysman Akif Əmirəlidən yazmaq istəyirəm. Üç mövsümdür ki, çempionat oyunlarını yaxından izləyirəm. Ən çox bəyəndiyim laysmandır. Ötən mövsüm 23-cü turda "Neftçi" - "Zirə" matçının 62-ci dəqiqəsində yaşanan maraqlı bir epizodu xatırlatmaq istəyirəm. "Qartallar" künc zərbəsi ilə topu meydana daxil etdikdən sonra, qəsəbə klubu "ağ-qaralar"ın qapısına qol vurur. Lakin Akif Əmirəli top havada olarkən meydandan çıxdığını işarə edərək, epizod bitmədən bayrağını qaldırdı. Təbii ki, baş hakim Əliyar Ağayev qolu hesaba almadı. Əslində, VAR olan oyunda hücum bitməmiş bayrağı qaldırmağı protokola ziddir. Amma Akif yaxşı bilirdi ki, oyunları cəmi 7 ( 2 mərkəz, 1 əks tərəf, 2 ofsayd, 2 qapı arxası) kamera çəkir. Qapı xəttindən çıxan topları VAR aşkar görə bilmir. Ona görə də 2 saniyə ərzində sürətli düşünərək bu qərarı verir. Bu, mənə çox ləzzət etmişdi. Hətta bəzi ortamlarda deyirdim ki, Akif Tofiq Bəhramovun davamçısıdır.
Sırağagün Masazırda "Sabah" - "Turan Tovuz" matçının son dəqiqəsində demək olar ki, eyni situasiya yaşandı. Bu dəfə Əmirəli hücum bitəndən sonra bayrağı qaldırdı. Tovuzluların qolu hesaba alınmadı. Bir hakim üçün çox çətin və ən ağır epizoddur. Məsələn, qayda pozuntusunu işarə etməyib, qolu qeydə alsan, səni heç kim qınamaz. Ümumiyyətlə, topun meydandan çıxdığını sənə heç kim sübut edə də bilməz. Amma sən ədalətin tərəfində çıxış edərək, 10 minlərin nifrətini seçirsən. Əlbəttə, həyatda vicdan, ədalət hər şeydən üstündür. Bəlkə rəhmətlik Tofiq Bəhramov olsaydı, bu epizodlara bayraq qaldırmayıb publikaya oynayardı.
Elsevər Muradzadə
Məlum məsələdir ki, FİFA rederisi matçları briqadası ilə birgə idarə edir. Ona beynəlxalq dərəcəli laysmanlar - Zeynal Zeynalov və Akif Əmirəli yardım edirlər. Bu şəxsləri mediada heç vaxt ön planda görməmişik.
Bu trionun 2 il Çempionlar Liqasının qrup mərhələsində ("Kopenhagen" - "Borussiya" (Dortmund) ilk dəfə təyinat alarkən məlum oldu ki, "Cin"in (müğənni Ceyhun Zeynalov) qardaşı Zeynal Əliyar Ağayev ilə birgə ÇL oyununu idarə edəcək.
Bu şəxs haqda maksimum bu qədər məlumatımız var idi. İndi isə ikinci laysman Akif Əmirəlidən yazmaq istəyirəm. Üç mövsümdür ki, çempionat oyunlarını yaxından izləyirəm. Ən çox bəyəndiyim laysmandır. Ötən mövsüm 23-cü turda "Neftçi" - "Zirə" matçının 62-ci dəqiqəsində yaşanan maraqlı bir epizodu xatırlatmaq istəyirəm. "Qartallar" künc zərbəsi ilə topu meydana daxil etdikdən sonra, qəsəbə klubu "ağ-qaralar"ın qapısına qol vurur. Lakin Akif Əmirəli top havada olarkən meydandan çıxdığını işarə edərək, epizod bitmədən bayrağını qaldırdı. Təbii ki, baş hakim Əliyar Ağayev qolu hesaba almadı. Əslində, VAR olan oyunda hücum bitməmiş bayrağı qaldırmağı protokola ziddir. Amma Akif yaxşı bilirdi ki, oyunları cəmi 7 ( 2 mərkəz, 1 əks tərəf, 2 ofsayd, 2 qapı arxası) kamera çəkir. Qapı xəttindən çıxan topları VAR aşkar görə bilmir. Ona görə də 2 saniyə ərzində sürətli düşünərək bu qərarı verir. Bu, mənə çox ləzzət etmişdi. Hətta bəzi ortamlarda deyirdim ki, Akif Tofiq Bəhramovun davamçısıdır.
Sırağagün Masazırda "Sabah" - "Turan Tovuz" matçının son dəqiqəsində demək olar ki, eyni situasiya yaşandı. Bu dəfə Əmirəli hücum bitəndən sonra bayrağı qaldırdı. Tovuzluların qolu hesaba alınmadı. Bir hakim üçün çox çətin və ən ağır epizoddur. Məsələn, qayda pozuntusunu işarə etməyib, qolu qeydə alsan, səni heç kim qınamaz. Ümumiyyətlə, topun meydandan çıxdığını sənə heç kim sübut edə də bilməz. Amma sən ədalətin tərəfində çıxış edərək, 10 minlərin nifrətini seçirsən. Əlbəttə, həyatda vicdan, ədalət hər şeydən üstündür. Bəlkə rəhmətlik Tofiq Bəhramov olsaydı, bu epizodlara bayraq qaldırmayıb publikaya oynayardı.
Elsevər Muradzadə
