Azərbaycanlı hakimlər Çempionlar Liqasının oyununu idarə etdilər

FIFA referisi Əliyev Ağayevin başçılıq etdiyi azərbaycanlı hakimlər briqadası UEFA Çempionlar Liqasının Liqa mərhələsinin 1-ci turunun “Kopenhagen” (Danimarka) - “Bayer” (Almaniya) oyununu idarə edib. Ona Zeynal Zeynalov, Akif Əmirəli (laysmanlar), həmçinin dördüncü hakim Elçin Məsiyev kömək ediblər.

Pressing.az xəbər verir ki, Danimarka paytaxtında keçirilən matç 2:2 hesabı ilə yekunlaşıb.

Ə.Ağayev matçda 5 sarı vərəqə göstərib. Vərəqələrdən 3-nü “Kopenhagen”in futbolçuları (Markos Lopez, Pantelis Hatzidiakos, Tomas Delaney), 2-ni isə "Bayer”in oyunçuları (Lukas Vasquez, Edmond Tapsoba) alıblar.

Xatırladaq ki, Çempionlar Liqasında “Kopenhagen”in növbəti rəqibi “Qarabağ” olacaq. Oyun oktyabrın 1-i Bakıda keçiriləcək.